დაისის მიზიდულობა - ქართული კინო კუბში

შესახებ

პარასკევს, 28 ივლისს, საღამოს 8:00 საათზე, კუბის თავისუფალი ჩვენებების სივრცეში, სალომე ჯაშის "დაისის მიზიდულობის" სანახავად გიწვევთ. რეგიონული სატელევიზიო არხის საშუალებით ფილმი ერთი პატარა ქალაქის ფსევდო-ეთნოგრაფიულ პორტრეტს ქმნის, სადაც რიტუალები და ტრადიციები, ნორმები და დოგმები ცხოვრების წესს განსაზღვრავს და სადაც თანამედროვე მსოფლიოს ანარეკლიც იჭრება. ტელევიზიის ერთადერთი ჟურნალისტი დარიკო დანტეს “ღვთიური კომედიის” ვერგილიუსივითაა, რომელიც მაყურებელს ქალაქის მკვიდრთა ყოფის ლაბირინთში მიუძღვება.