ნიკოლოზ ბეჟანიშვილის "აღდგომა" ხორვატიაში

KineDok საქართველოს კატალოგიდან უკვე მეორე ფილმი იმოგზაურებს საერთაშორისო მასშტაბით. ნიკოლოზ ბეჟანიშვილის ფილმს „აღდგომა“ ხორვატი მაყურებელი იხილავს და რეჟისორთან დისკუსიის გამართვას შეძლებს. 

ფილმის ჩვენების განრიგი: 

22.02 | 19:00 ზაგრები

მისამართი: Dokukino Kic

23.02 | 20:00 პულა

მისამართი: Klub & knjižara Giardini 2

2023 წლის გაზაფხულზე ფილმს „ანას პროცესი“ და მის რეჟისორებს მიეცათ რუმინეთში მოგზაურობის და იქაური მაყურებლის გაცნობის შესაძლებლობა. 

მოხარული ვართ, რომ Kinedok საქართველო კინოჩვენებების ორგანიზების და სივრცეების ხელშეწყობის გარდა, ქართული ფილმების პოპულარიზაციას საერთაშორისო მასშტაბითაც ეხმარება.