კიმი

Რეჟისორი ერიკა კაპრონცაი ბელგიელ-უნგრელი მხატვრის კიმ კორბიზიეს ამბავს ჰყვება, როგორც ტკივილითა და მშვენიერებით/სილამაზით სავსე მოზაიკას. ფილმი არტისტის სამყაროს გულში მიგვიძღვება, რომელმაც მოულოდნელ გარდაცვალებამდე, მიუხედავად არაერთი განსაცდელისა, წარუშლელი კვალი დატოვა ხელოვნებაში.

Მრავალმხრივ ნიჭიერი მხატვარი 27 წლის გარდაიცვალა. ფილმი მის ცხოვრებაში შეგვახედებს და შემოქმედებით პროცესზე დაკვირვების შესაძლებლობას გვაძლევს. კიმმა მოახერხა, რომ ოჯახში შექმნილი მძიმე მდგომარეობის პარალელურად, წამალდამოკიდებულებისა და იდენტობის კრიზისის შედეგად გამოწვეული ტკივილი და ქაოსი ხელოვნების ნიმუშად გარდაექმნა. Რეჟისორი ერიკა კაპრონცაი კიმის ამბავს უნიკალური კადრების მოზაიკით ჰყვება, რომელიც კამერაზე, საყვარელი ადამიანების მძაფრი მოგონებების დახმარებით, თავად კიმმა აღბეჭდა. კიმმა ეს კადრები იმ მიზნით გადაიღო, რომ წამალთან დამოკიდებულების ტანჯვა დოკუმენტურად აღეწერა. Მისი სიკვდილის შემდეგ კი, ერიკმა გადაწყვიტა ეს ფილმი თავად დაესრულებინა და ასე მიეგო პატივი მისი ხსოვნისთვის.