მზიური

მზიური ყოფილი პედაგოგია და ახლა მის საარსებო წყაროს სოციოლოგიურ კომპანიაში ინტერვიუერის ხელფასი წარმოადგენს. სამსახური მზიურის მარტოობისაგან თავის დაღწევის და გარესამყაროსთან ურთიერთობის შენარჩუნების საშუალებაცაა. მაყურებელი მზიურისთან ერთად მოგზაურობს ვიწრო თბილისურ ეზოებსა და უშნო ბეტონის ჯუნგლებში , ასე ვეცნობით განსხვავებულ სახლებს, ბინებს და ზოგადად ადგილობრივი ცხოვრების თავისებურებებს. მზიურის მეშვეობით ვისმენთ მოქალაქეების იმედებს ,ფიქრებს და აზრებს მწვავე პოლიტიკურ და სოციალურ თემებზე. ფილმის ბოლოს მზიური თვითონ აღმოჩნდება კამერის წინ და რესპონდენტის როლში გვიზიარებს საკუთარ ოცნებებს.