როგორ დავგეგმოთ კინოჩვენება?
ფოთი [ 29-30 იანვარი ]
KineDok Georgia, "ფოთელები - საკუთარი უფლებებისათვის" და "ლიმენა" გიწვევთ 29-30 იანვარს ფოთში ვორქშოფზე მათ, ვინც დაინტერესებულია ღია ლექციების, შეხვედრებისა და კინოჩვენებების ორგანიზებით. ვორქშოფი ხორციელდება ევროკავშირის მიერ დაფინანსებული პროექტის EU4Culture მხარდაჭერით, კულტურული და ინოვიაციური პროექტების კონკურსში გამარჯვებული პროექტის “Film Cities: Kutaisi and Poti” ფარგლებში.
ორი დღის განმავლობაში ვისაუბრებთ ისეთ საკითხებზე, როგორიცაა: კინოჩვენების დაგეგმვის ძირითადი პრინციპები - სივრცის ტექნიკურად მოწყობა, აუდიტორიის მოზიდვის სტრატეგიები; კულტურის სფეროში არსებული გამოწვევები და სხვა აქტუალური თემები.
განვიხილავთ ასევე KineDok-ის დოკუმენტური კინოს კოლექციას, რომლის ჩვენება წლის მანძილზე ყველა მონაწილე ორგანიზაციასა და კინომოყვარულს შეეძლება.
დასწრება შეუძლიათ ფოთსა და ზუგდიდში არსებული:
- სხვადასხვა კულტურული სივრცის მენეჯერებს (გალერეებს, კულტურის ცენტრებს და ა.შ);
- კაფეებისა და ბარების წარმომადგენლებს, რომელთაც სურთ თავიანთ სივრცეში კინოჩვენებების მოწყობა;
- საინიციატივო ჯგუფებისა და არასამთავრობო ორგანიზაციების წარმომადგენლებს.
განაცხადის საფუძველზე შეირჩევა 5 მონაწილე. მგზავრობისა და დარჩენის ხარჯები ანაზღაურდება.
განაცხადების მიღების ბოლო ვადა: 17 იანვარი, 2024
ევროკავშირის მიერ დაფინანსებულ პროექტს EU4Culture ახორციელებენ გოეთეს ინსტიტუტი (წამყვანი პარტნიორი), ჩეხეთის ცენტრები, დანიის კულტურის ინსტიტუტი და საქართველოს ფრანგული ინსტიტუტი.
საგანაცხადო ფორმა
იცხოვრე დოკუმენტური ფილმებით. შემოგვიერთდით!
დაიწყეთ ყოველი თვე განახლებული ინფორმაციით. გახდით ჩვენი გამომწერი!
თანახმა ვარ პერსონალური მონაცემების დამუშავებაზე.
ორგანიზატორი
KineDok-ის სივრცეები
